........................هقرالك الفنجان.......
وهعيش ف احلامك
يجي كام سنه قدام
وهقولك المكتوب
علي قلبك المغلوب
الي شبع احلام
ف عيونك الحلوه
يجي ميت متين غنوه
حيشاهم الاحزان
وسنين بتتكلم
ايامها وسنينها
في القلب بتعلم
بالحبر والالوان
هقرالك الفنجان
وهبص ف عيونك
واخطفلي كام نظره
م الرمش وجفونك
احيي بها الوجدان
واتمني لو اني
ف يوم من الايام
ترضيلي وتحني
وابعد عن الحرمان
واكون ف يوم نبضه
نبضك بينبضها
ف القلب والشريان
واعيش بقيت عمري
اتملي ف عيونك
واخدك ما بين ضلعي
والقلب هيصونك
نفسي اكون مره
لو دمعه ف جفونك
واعيش بقيت عمري
انسان ومش انسان
هقرالك الفنجان
سالم ابو موج
