على فين يادنيا-------كلمات الشاعر احمد جابر سويلم-
على فين يادنيا وخدانا
وطريقنا لسه بعيد
على جرح جرحه الزمن
ولا لجرح جديد
انا تهت وتاه الامل
وصبحت فيكى وحيد
مكفايه جرحى انطوى
وهموم تجينى تزيد
شغلانى ليه بالماضى
فكرانى لسه عنيد
اهين واه يازمن
على قلب فيه تنهيد
حبيت وقلبى انكسر
اتريه مكانشى اكيد
توهنى فى حضن المطر
فى كلام يعيد ويزيد
انا دقت طعم الاسى
ومشيت طريقى بعيد
وكرهت ليل السهر
واترينى كنت عنيد
يادموع طواها الزمن
سكنت فى قلبى اكيد
مفضلشى غير وحدتى
وهموم كمان هتزيد
على فين يادنيا وخدانى
صوت النواح بيزيد
