إسأل نفسك
لو بتحب ............حقيقي بقلبك
والأشواق .............ديما بتغالبك
قول لحبيبك......... صارحه بحبك
يمكن قلبه ............محتاج قلبك
ليه بتخبي............ تداري مشاعرك
لو مش شاعر......... بيك راح يشعر
لوتنطق وتقوله ...............بحبك
أصل الحب............... يخليك شاعر
كل كلام................... الحب بيسحر
مهما يعافر
هيسلم بالحب..................... ويركع
لو كان رافض.............الحب وكافر
راح يرجع................لو ناوي يسافر
إنت حياتك................فيها كام يوم
ليه تقضيها...............عذاب وهموم
أو تهرب...................... منيها بالنوم
راح تتقل................ راح يتقل هوه
أصل الحب..................ده زي النوه
راح يسكن.............لو مش هيلاقي
قلبك مفتوح.............. ليه من جوه
أصل الحب..............جمال وسعاده
هتشوف كل...............جميل بزياده
يبقي الحسن..........ف طبعك عاده
تبقي حياتك..................جنه وغاده
بس تكون في..............القلب إراده
حب بقلبك............... هيموت غلبك
ولا حدش ف............ الدنيا يغالبك
تتحقق بالحب................... مطالبك
سحر الحب................ يقوم صلبك
حب بروحك................ حب بقلبك
خدها نصيحه........ دغري صريحه
روح فودافون..... واشتري شريحه
كلم نصك................... اللي يخصك
قوله بحبك............. كده من قلبك
هوا الحب.............دا حاجه قبيحه
إنسي ما فاتك
راح تندم...............على كل سكاتك
فرصه وجاتك
ياما ناس.............ماتوا زي حلاتك
كانت مأساتهم........... من مأساتك
لو كان سنك................. عقبه وإنك
ناكر ذاتك
مليون زيك................... وأكبر منك
عاشو حياتهم.............. أفضل منك
د الحب يصغر................. من سنك
قبل ما حزن..............يقصف عمرك
والا.....يجنك
خواطر #جمال_بركات
