# باحزن#
باحزن عليك ىاعمري مش يوم ولا اثنين
باحزن عليك ياعمري سنين وراها سنين
ويمر العمر كله والذكري ماليه الروح
والعمر كله يروح وانت حبيب الروح
دانت اخدت الروح وكل حاجه معاك
ماسبتلي غير وجع فالقلب من فرقاك
وليه ياحبيب العمر ماخدتني وياك
وخنت ليه اتفاقي اللي اخدته معاك
مانا قلتلك هاسبقك ياحته مالوجدان
وليه سرعت الخطي دانا لسه عايزه حنان
وليه سايبني اعاني مالوحده والحرمان
دا كل شيء من غيرك صحرا مافيها الروح
كل الخطاوي بتسال دايما ياغالي عليك
كل الحكاوي بتشكر ياحبيبي دايما فيك
والعمر لو يتكرر مالاقي زيك زي
والعمر لو يتكرر ابدا مالاقي شبيه
وقالولي مين يشبهك؟
قلت هيه النجوم في السما
عالارض ليها مثيل
ولا النجوم في السما عالارض ليها شبيه
ياسمفونيه حب عزفت علي قلبي
ياسمفونيه حب ملت فراغ الكون
مليت الدنيا هنا عيشتني فافراح
صدقني حتي الحصي حاسس بشوق للقاك
وكل شء يبكبك ويمني نفسه يشوفك
وهيه مش معجزه ان نكون شايفينك
دانت ياغالي معانا ساكن هنا جوانا
ابدا مافارقتنا ابدا ماهاننساك
