▪بره الحياة▪
؛؛ أشعار ؛؛
عمادالدين العيطة
أنا بس بسأل ؟ فيها إيه
لو الزمان سابنا فى حالنا
وإيه هيحصل لو حتى ..
جالنا وسألنا 
وبدل الدموع نختار شموع 
ويسكن الفرح قبالنا
هيحصل إيه ؟ ..
لو كان الزمان غنى 
وكنا وياه نتهنى 
ونعيش ونحلم ..
ونلاقى كل مانتمنى
كنا يادوب عايشين 
راضين بأحوالنا 
بطلنا نحلم من زمان
للحلم يكسرنا 
لكن لقينا روحنا 
حاضنين الأمل من تانى
وسألنا روحنا 
هيحصل إيه تانى
هنعيش حياتنا
كل اللى فاتنا ولو ثوانى
ياريت اللى فات كان
ريح لنا بالنا 
وياريت ماخان ويارت
ماجه يومنا
كنا بنحلم بالحياة 
وإحنا مش جوه الحياه
وطول عمرنا برة 
ليه الزمان قاسى
وليه الحياه مرة
فاكرين الأمل ..
زى الجبل واقف
وحلمنا مخنوق جوانا
مش عارف 
شايل هموم الكون 
وليل الشتا مجنون
وع البشر لافف
حالف يخلى اللى
ماشى بعيونه مش شايف
عشان نعيش خايفين
 وحلمنا يعيش خايف