..إعتذار...
بعد ماقلبى إنكسر
بعد .. ماقلبك غدر
رجعت تانى م السفر
وجاى .. وعايز تعتذر
وإزاى هأمن .. لحبك
بعد مادوبنى هجرك
ياللى قلبك من حجر
هجرتنى وسلمتنى
لطول الليالى والسهر
هجرتنى ... وضيعتنى
وقتلت حبى ..وسبتنى
بجرح يوجع فى قلبى
ولما سألت عن ذنبى
رديت وقلت .. القدر
ومشيت وأنا حاضن أهاتى
حاضن جراحى و ذكرياتى
والحزن جوايا إنفجر
والفرح غاب ودموعى
نزلت مطر
وإتقطعت كل الصور
دلوقتى عايز تعتذر
أنا كنت ليك الأمل وقطعتنى
وكنت ليك الأمان .. وخنتنى
عاهدتنى وخنت عهدك خنتنى
والنهاردة بتعتذر
جاى بتطلب السماح
طب قولى أأقول إيه للجراح
ولقلب تاه وسط الرياح
لما حبيبه بيه غدر
طب إعتذر .. يالا ..
تعالى وإعتذر .. ولو قدرت
تلمنى زى الرماد ... لو ..
قدرت تلمنى من وسط السهاد
لو قدرت تطفى نار
وتبعد عن قلبى المرار
وتعوضنى طول الإنتظار
ممكن ساعتها قلبى يقبل إعتذار
..... من خواطرى ......
........ عمادالدين العيطة ..........