قولتلك ماصدقتيش واديكي شوفتي بعنيكي
انا مش عارف اعيش ولا حالي يرضيكي
ماصدقتيش فكرتي كلامي كلام
ماطولتيش واديكي مشيتي اوام
ومن وجعي داريت دمعي
ولا قولت حتى سلام
وبان خوفي ياعين شوفي
في زحمة الايام
امير الشعر
امير الشعر يتحاكوا باْشعاري
بس مين بيجيني داري
امير الشعر ولا بكسب بإحساسي
خسرتك وخسرت ناسي
ولا ناسي إن انا عايز
ومتعشم بقول جايز
بقالي سنين خسران
يوم اكون فايز
عرفتي الياْس وياه إيه إحساسه
دخلتي حياته حسيتي انفاسه
عيشتي وشوفتي اتفرجتي
مسكتي قلمه وكراسه
قضيتي كام ليلة معاه
ولا انتي محسبتيهاش
فاكره ولا خلاص نسياه
وبتقولي كاْنه مجاش
وانتي يا اْم الهلايل
يا مولولة ليلي
ياما سويتي الهوايل
غرقتي مناديلي
معرفش ان كنت بحبك
ولا كرهتك خلاص
بقيت خايف ف حضنك
نار وضرب رصاص
لسه بحلم بهجرة
لسه بحلم
بهجرة
واميرة اجمل م القمرة
تكون بيضة تكون سمره تكون شقره
تكون موته بعيد بره
لسه بحلم وانا مطرود
طريقي ابتدا مسدود
ارجع ولا مارجعشي
انا عابد وفيه معبود
مهما البشر تظلمني
رب البشر موجود
للشاعر / احمد صبري
