آه يامصــــر ياحته منى
ياإللى نبضك جوه قلبى
ياإللى دمــك هوه دمى
إللى سال على رمل أرضى
فوقى يامصر ورجعى حق الشهيد
رجعى الأمن إللى كان
رجعى مصر الأمان
رجعى الضحكه على وش الوليد
إحنا شعب مش بنخاف وعيد
إحنا مش ممكن نكون ولا حنعيش عبيد
إحنا شعب بطيبته عايش
بس قلبه من حديد
وألا عايزه ثورة تانى من جديد ؟
لأ يامصـــر ....لأ يامصـــر
خليكى دايما مصر الأم
خليكى دايما خيمه تضم
خليكى دايما زى ماكنتى حبيبة الكل