ذكريات علي شاطيء النخيل
---------------------

يا موج البحر يا معدي 
تيجي بشوقك و لا تهدّي
أشوف عطفك و أمواجك بتحضني
و فجأة تسيبني و تعدّي

أعطش كتير و أشكيلك
و من حبي أغنيلك
و أمدّ إديّه أنول منّك
و أتوه في هواك و أحكيلك

أدوق منك يزيد عطشي
و تهرب ميّتك مني
و أرجع تاني أشكيلك

و تيجي نسمتك غايرة
ألاقي الخصلة دي طايرة

ألاقي الشفة مرتسمة
و فاردة قلوعها للبسمة
و فجأة تسيبني محتشمة
و ترجع تاني لقرارها

ليه كل أحوالك كمثل العشق
يجي إلينا كتير و يرِق
و فجأة يسيبنا للقسمة

يا موج البحر