أكيد ممكن
------------
-----------------------
بحبك بس مش قادر
أقولك شوقي وأصارح
منعني لساني وأبادر
وطول ليلي بكون سارح
--------------------------
---------------------------
بقول بكره خلاص هنطق
وابوح من قلبي وأقولك
ولما ألقاكِ بتلخبط
وبنسى أبوح وأوصفلك
-------------------------
-----------------------
بحس بسحر كتفني
جمالك أصله شيء فاتن
ونظرة عين بتخطفني
وسحر وحسن ومفاتن
----------------------
-----------------------
وبعد ماتمشي يتْندم
وبستعجب جرالي ازاي
وبحلف بكره هتقدم
وبكره يفوت وبكره الجاي
---------------------------
-------------------------
ولما تشوفني تتبسم
أكيد عارفه بقول يعني
وبرضه لساني يتعلثم
وتمشي بسرعه وتسيبني
------------------------------
----------------------------
وقمت خلاص بعت جواب
وقلت حرام قتلتيني
ولو مرفوض مـ طيقش عتاب
ياريت تنسيه وتنسيني
--------------------------
---------------------------
وبعد غياب وطال كام يوم
ببص لقيتها جاياني
قصاد مني وقالت قوم
وحتة بسمه من تاني
------------------------
------------------------
وقالت ليه مقلتس ليه
أنا واياك هتلقاني
أبويا هناك وجري عليه
عشان ماتكونش وحداني
----------------------------
-------------------------
كلام أحلام يجوز يمكن
يجوز من جد وحاصِلّي
عشان صادق أكيد ممكن
ورغبه حلال تحلللي
----------------------
--------------------------
أنا عاشق ومش ذنبي
عشان الحب مش بالكيف
وجيت مـ الباب ومن أدبي
طلبت إيديها زي الضيف
------------------------
------------------------------
منيش محقوق عشان حبك
أنا انسان بيشتقلك
طلبت ونلت من ربك
وبدعي العمر أخلصلك
------------------------
---------------------------
كلامي أكيد وفيه حكمه
بقول للناس بلاش أوهام
دا بكره تكونوا فـ الآخره
وتلقوا العشق كله حرام
-----------------------------
---------------------------
كلام الحب شيء يشرِح
ويدينا أمل بُكْره
ولما حلال أكيد يفرِح
ولو غيره ماليش واكره
------------------------
------------------------------------
بقلمي ..... هشام عوض محمد
الإثنين ..... 11 - 05 - 2015 م
----------------------------------
