رباعيات الاحزان (( فارس الأحزان ))
( للحزن في قلبي مكان )

فارس الاحزان يا قلبي .. . .. قد ايه علي الناس تخبي

.................................... كل شئ وليه حدود

عاشق الاحزان تملي .. . .. والحنين خلاك تغني 

................................ والغني ما لوش حدود

تتملي في عينك دموعك .. . .. تنطفي في ليلك شموعك

...................................... برده عاشق الحياه

تندبح في عز فرحك .. . .. تنكوي بنارك بجرحك

........................................ عمرنا ما قولنا آه

عشت صابر كالجبل .. . .. كنت في الشده جمال

..................................... هو ده طبع الرجال

تترمي في الحب دايب .. . .. ويخونوك كتر حبايب

................................ تهت في الليل الحزين

تآسي في الايام سنينك .. . .. والحياه تقتل حنينك

................................. عشت فارس الاحزان

كلمات الصدق
فارس الليل الحزين
محمد عطيه محمد