(نار الحب )
*********
لما إنتى لسه صغيره
بتلعبى بالحب ليه
دا الحب ناره ملهلبه
بتكوى إللى بيلعب بيه
الحب بحرمالوش قرار
راح تغرقى مافيش فرار
بلاش ياحلوه تفكرى
وتقلدى الناس الكبار
الحب هوه إللى بأمره
يسعد العاشق سنين
وإشارة منه ترجعه
يشتاق فى دنيا المحرومين
ماحد يقدر يخدعه
دى صورته باينه فى العنين
وفين بقى حتروحى إنتى
فى وسط دنيا العاشقين
إستنى لما تكبرى
حتلاقى نفسك طبه فيه
راح تغرقى وحتندمى
وتلعنى جدود العاشقين.(بقلم:علاء زايد)
