( ذكرى ) بقلم / علاء زايد
*******
لما إنتى ناويه تكونى ذكرى
كنتى إكرهينى ماتحبينيش
ليه خليتينى أحب بكره
وبكيانى ليكى أعيش
ليه تروحى قبل ماوصل
كنتى إستنى ماتهربيش
ليه تخلى العذاب مصيرى
ليه فى حكمك ماتعدليش
ليه دموعى تهون عليكى
و إنتى عليه مابتهونيــش
كنتى ليه إنتى العروسه
وكنت أنا ليكى العريــس
كنتى كل الدنيا ليه
والدنيا جنبك ماتساويش
كنتى أيامى الهنيه
وف حنانك مانلاقيــــش
مش مصدق إنى تانى
وطول حياتى ماحشوفكيش
عايز أشوفك دايما فى ليلى
وعن عينيه ماتغيبيش
خلينى أحس دايما بقربك
وعنى روحك ماتبعديش
الوداع ياأغلى ذكرى
ح تعيش فى قلبى ولاتتنسيش
