المعـذره
----------
----------------------------------------
العفو منك مافهمتك معـــــــــــــــذره
أصل الكلام اللى سمعته مابفهموش
أنا أصل عندي حب قلبي مقـــــــدره
ومفيش لغيرها أي حب مابعرفـــوش
أنا ليها بكتب كل شعري وبنشـــــره
أو حتى ممكن إني أكتب ماانشـــروش
أو حتى ممكن عندي فخ مدبـــــــــــــره
علشان لمعني جوه منه ما شوفتوهـوش
أو عن حكايه سمعت عنها مُعـــــــــــــبره
بكتب واقول اللي ولسه ماقولتهــــــــوس
أّصل الكتابه ماهيش بقصد المنظـــــــــره
أنا بس بكتب عـ اللي احسه بدون رتوش
واللي يعاند أو يماطل هحظـــــــــــــــــره
انا أصلي داخل للكتابه ومش هحــــوش
الكلمه عندي يكون حسابها بمســطره
مش قصدي أعشق أو أسبل بالرموش
مش جاي ناوي مـ الكلامده المسخره
أو حتى فاكر كل واحد من الوشـوش
السكه عندي بحيطه سد مسكّــره
أوعى لحد يقولي بكره ماحظروش
-------------------------------------
---------------------------------------------
بقلمي ..... هشــــــــام عوض محمــــــــد
