همسه حب (489)
..............
مغرمين يا أبن الحلال
نظرة واحده ولو سلام
كل يوم فايت لبيتنا
بتشاغيلنا بدون كلام
قلبي دقه بشوق
ما يهدى
والعيون حرماني أنام
بشكي للنجمه اللي طاله
ليه ما حسش له زمان
وقت ما بقابل عيونه
قلبه يهجر ليه المكان
أفتح الباب لأجل أشوفه
خطوة خطوة بإبتسام
أمي تنده يسألوني
طالعه أأكل فى الحمام
والنصيب لساه ما زارنا
ولا حن ودق باب
قلبي متعلق بجارنا
قربه ضحكه وآه كمان
لما بتصادف وأشوفه
دنيا تانيه وليل أمان
طالعه بيتنا سمعت همسه قلبه
دق أبن الحلال
مره واحده جريت لحضنه
إنت فينك من زمان
والعيون نسيت عتابها
والدموع وصفت ما كان
والربيع هل بنسيمه
والقلوب عزفت كمان
بقلم .. صبري رسلان
