@ بياعين العشرة @
الكل باع الكل غدر
بعد ما ضاع العمر معاهم هدر
تعمل أيه يامسكين في ناس قلبها حجر
دق الطبول هات الدفوف آه منكم يابشر
راح أغني أغنيه ع اللي باع واللي هجر
سنين طويلة كنت سرحان ويا القمر
ما كنت افكر يعني أيه عمايل بشر
اتاري الدنيا فيها كتير وما عنديش خبر
يضحك في وشك في ليلة سمر
واللي جواه ليك حارس عليه خفر
وقت اللزوم يطلع في وقت عسر
تلاقي نفسك ليمونة بعد ما عصر
سلم سلام كبير ده شغل ناس فجر
هاتروح فين معاهم شوفلك سكة سفر
أرحل بين الجبال والكهوف روح للقدر
هوه أحن عليك من فعل البشر
راضي السقا
