طظ و ألف طظ

طظ و ألف طظ

فى العصابة و اللى ممكن تعمله فينا العصابة

هيه موته و لا أكتر

إحنا أحسن م اللى ماتوا م السحابه ؟!

و لا أحسن م اللى ماتوا غرقانين

أو محروقين

أو من أكل مزروع فى الخرابة ؟!

الدنيا سوده و سودوها علينا أكتر

اللى مش عارفين أصولهم

هم مين

بشر زى خلق الله يا ناس

و لا فى التصنيف ديابه ..

غربونا فى كل حته

قطعونا حته حته

باعوا فينا و اشترونا

و لا عدش باقى الهبابه ..

حملونا هموم و أزيد من طاقتنا

و على قد ما بنكره همومنا .. كرهتنا

لأننا ساكتين .. غلابه ..

و اصرخ

زى ما انت عايز

جارك هيسمع

لكنه فى الأصل أخرس

أطرش معدوم الإستجابه ..

قطعوا لسانه و خوفوه

من وسط عياله ممكن يخطفوه

و يحولوه

أقل من حتة ذبابة ..