احترنا ما رسينا .. و قلوبنا توجعنا
هيه العيوب فينا .. و لا فى أوجاعنا
**
الليل ده أخره نهار .. و لا النهار ده ليل .. و عيوننا تخدعنا
و فى أخر المشوار .. الحمل بينا يميل .. و جدار يرجعنا
هيه العيوب فينا .. و لا فى أوجاعنا .. احترنا ما رسينا
**
يا عمر اللى ما بترجع .. إمتى نشوف فرحك .. ننسى مدامعنا
الحزن بات يوجع .. من طول عذاب جرحك .. من طول ما فيك ضعنا
هيه العيوب فينا .. و لا فى أوجاعنا .. احترنا ما رسينا
**
يا قلب شقه الصبر .. صبرك لولاش مكتوب .. إيه غيره ينفعنا
على جناحات المر .. بتنتحر و تدوب .. و لا حد يسمعنا
هيه العيوب فينا .. و لا فى أوجاعنا .. احترنا ما رسينا
**
يا خوف من المجهول .. وسط الأمل بتصيح .. لحظة ما تجمعنا
لما السفر بيطول .. و يفرق المجاريح .. الخوف ده له معنى
هيه العيوب فينا .. و لا فى أوجاعنا .. احترنا ما رسينا
د . محمد رمزى
ساحة النقاش