ساعة الميلاد
إتولد لك إبن عاشق للبلاد
إتولد لك قلب بيحب العباد
دمك فى دمى .. فى الوريد
طهرك غسلنى و لفنى .. بتوب جديد
و القلب فى أول نبضه له : صلب و حديد
يا بلدى .. قلبى مش قلب فى وليد
قلبى مخلوق لك يضحى و يموت على كتافك شهيد
و ينادى فى الطير و الجماد
أنا إبن كل المحرومين
أنا إبن كل المظلومين
و لونى من لون العباد
ساعة الميلاد
**
ساعة الميلاد
كنت باضحك : لم بكيت زى الولاد
شقشق لى فجرك .. جوه رحمك
و الحر حر فى كلمته
مهما خلف غيره الميعاد
إبنك يا بلدى عزيمته تتحدى العناد
و الفتات اللى باقى من إيدين المقهورين ح يكون لى زاد
و اللى حنى راسك يا بلدى
راح أقوى بيه سنانى مهما ساد
و اللى راح منك يا بلدى راح يعود
ده إنتى فخرى و عزتى وسط البلاد
دمك فى دمى .. فى الوريد
طهرك غسلنى و لفنى .. بتوب جديد
و صفى ع الطير و الجماد
ساعة الميلاد
ساحة النقاش