كل عواطفك برد و حر
كل دقيقة معاكى بشهر
و الشهر اللى يعدى عليه
يملا القلب بيأس و صبر
عسلك جوه حلاوته المر
لمسة إيدك حتة جمر
أنا كده فاهمك
و لا .. إكمنى انصبت بسهمك
هـ أفضل كده على طول مش فاهمك
طول العمر ..
***
زى اللؤلؤ جوه البحر
ضى عنيكى بيلمع سحر
بس نزول البحر مغامرة
و الصياد خايف : يغتر
عسلك جوه حلاوته المر ..
***
ما كفايه حيرة قلبى و ناره
آمنك قلبى على أسراره
بعد ما حس فى نبضك : حبه
وراه ليله فى عز نهاره
عسلك جوه حلاوته المر ..
د . محمد رمزى
ساحة النقاش