انا هحكيلكم حكاية قلب
قلب حزين كان نفسه يحب
بس الهم معشش فيه
ساكن جواه وعايش بيه
قلب حزين مليان بالوجع
وجعه وتعبه من الايام 
قلقه وخوفه على الاحلام 
اللي مكنتش منها بنام 
وازاي بس يجيله النوم 
ودا ع الهم ينام ويقوم
حياته شايفها بعين مهموم 
مش عارف يفرح لو يوم
ولا قادر ينهض ويقوم
قلبه حزين دايما مكسور 
نفسه ينط يعدي السور 
نفسه يشوف بعنيه النور 
بس ما بينه وبينه جسور 
وأهي بتلف بيه وتدور 
كل حياته عتمه وخوف 
كله عليه حتى الظروف
دايما صعبه وقاسيه عليه
قلبه ضعيف مبقاش يتحمل
نفسه يعيش .. نفسه يكمل 
نفسه يكون انسان عادي
مش شايل هم يكفي بلادي
بيجري وراه وعليه بينادي
فكر يبعد عنه ويهرب
ويدور على الفرحة الاقرب
فرحة تهز كل كيانه 
فرحة تكون بس عشانه
رسم الفرحة في حد يحبه
حد يعيش طول عمره جنبه
حد يكون بيحب بجد
حب يشيله من ع الارض
ويوصل بيه لابعد حد 
ويخليه يوصل للمجد
وينسيه الدنيا الجد
ويعيشه فرحان متهني
من فرحته يرقص ويغني
بس ده كله مجرد حلم 
عايش فيه وكأنه وهم 
حلم طال ليل ونهار
حلم ف قايمة الانتظار
نفسه يجيله الدور ويلاقي 
حلمه خلاص هيبقى حقيقة 
وان الدنيا هتبقى بريئة
وساعتها ياخد القرار 
انه يعدي ف وسط النار 
انه يملا بحسه الدار
وينسى الهم خلاص ويعيش
ولو هياكلها بملح وعيش
بس يعيش فرحان بحياته 
وينسى همومه وكل اهاته
ويتولد انسان جديد
نفسه يعيش  ويكون سعيد
يرجع يفرح  تاني بالعيد
وينهي بايده رحلته
ويكتب نهااية قصته

قبل همومه ما تموته
فرد جناحه للحياة
وإلتقى طوق النجاة

حب اخده للحياة
وانتهت لحظتها معاه
رحلته .........
رحلة حزنه في الحياه 
Monna