جارى التحميل
استخدم زر ESC أو رجوع للعودة
(أنا وقلبى)
بيقولى قلبى كفاية كدا
لحد امتى الحزن دا؟
لحد امتى هتفضلى...........؟
تحلمى وتدورى.......
على وهم عايش جواك انتى
على حلم جوا خيالك انتى
على حضن دافى يكون مدينتى
وحاجات كتير مش موجوده
غير فى عنيك انتى ..........
لحد امتى هتتعبينى؟
ومعاك هتحيرينى ؟
مبقتش عارف عايزة ايه؟
ولا حتى فاهم جواك ايه؟
ولا قادر احس اللى انتى فيه!!
مبقتش فاهمك........
مبقتش حاسك.........
ومتزعليش لو قلتلك......
خلاااااااااص.......
مبقتش قادر اتحملك!!
مبقتش قادر اعيش جواك
مبقتش عارف احس هواك
حقيقى بجد تعبت معاك
وعمرى ماشوفت راحة ف هواك
ياحبيبتى حاولى تفهمينى
انا خايف عليك صدقينى
خايف عليك م الالم
خايف تموتى م الندم
خايف تحسى ان قلبك اتظلم
لحد امتى هتفضلى....؟
تدى الحنان وتدورى
على حد زيك متلاقيش؟
على حب طول العمر يعيش؟
على شوق يدوم ومينتهيش؟
صدقينى مهتلاقيش؟
والكل هيقولك لامفيش
هترجعى وتندمى
وتحسى انك بتحلمى
وعمرك تانى متدورى
لا تتعبى ولا تتحيرى
وساعتها بس هتفهمى
انك كنتى غلطانه
بس ياريت بقى تتعلمى
عارف ان حلمك بسيط
عارف انه اسرة وعيلة وبيت
بس لازم تفهمى
مش كل حلم بنحققه
ولا كل وعد نصدقه
ولازم هيجى يوم والاحباب يتفرقوا
يمكن اكون بقسا عليك
يمكن تقولى مش حاسس بيك
بس صدقينى .. خايف عليك
انا اقرب حد ليك
فاهمك وحاسس بيك
وعمرى ما اتمنيت غير الفرح ليك
واشوف السعادة مليا عنيك
وساعتها بس هطمن عليك
Monna
ساحة النقاش