عاملى فيها بيه ... 
محمد ضباشه ... 

كسلان وتحت الغطا
وعاملى فيها بيه
بالبدلة والكرفتا
وحبة فلوس فى ايديه
نافش ريشه قوانطا
وبيتنغرر علينا ليه
بكلام كتير ألبندا
وتابلت ماتعرف أيه
وكأن هو الكوماندا
وكلنا حرافيش حواليه

الباشا وارث أبوه
وأمه كده سايباه
لا شغله ولا مشغله
ولا حتى شهادة معاه
نص البنات حبوه
والباقى بيجرى وراه
وكل الصحاب خلوه
ما علم الزمن رباه
يمشى فارد جناحه
وشلة هلاكه وراه

فى الشقة يتجمعوا
على البانجوا والبرشام
تشعلل قوى يضحكوا
ما يخلوا حد ينام
ولا للأدب يعرفوا
وامه تقوله حرام
يلعن أبو اللى جابوها
على دموع عيون أحلام

هى يدوبك سنة
كام زوجة فورها
بيضة وما تعجب 
يصبح يغيرها
سمينة تيجى تفرفه
حمام يطيرها
سمرا تيجى توكسه
ينشر فى اسرارها
وجاب اللى تفرسه
يارب قدرها

خلاص راحوا الجنهين
والباشا ماشى مسطول
لا جف دمع العين
والناس تقول معقول
العقل وداه فين
وماعاد فاهم للقول
أصبح وحيد وحزين
وخرابه جنبه يقول
فى الدنيا وفى الدين
وأخرتها مات مقتول