مدونة الدكتور محمد البكرى * بتستجدى قمحك .. وانت جلدك لونه قمحى !! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!لما يبقى الشعب تايه وماشى يخبط ف- الحللو لما الناس تتفرق يمين وشمال وعلى كل الملل
ولما المثقفين الأمارى..
والمتفلسفين الحيارى
يتكلموا وينجموا ويبرطموا
ويعملوا ف- راسنا خلل
يبقى فيه مخ أكبر
من إمخاخ كل الغلابة
عايز مصرنا غابة
والصهاينة على الحدود
بيجهزوا .. سنان الديابة
والديب ما يقدر يا صحبى
إلا على غنم الخرابة
............................
وإنت يا مصرى يا ابن النيل
ياللى فى تاريخك
ما عشت يوم جعان وذليل
وياما فى المجاعات زرعت
وف- غيطانك غنت المواويل
اليوم بتستجدى ....
رغيفك وقمحك
وانت خير الدنيا ملامحك
يا مصرى ياللى جلدك ..
لونه قمحى
ياللى عودك كان ..
سمهرى ورمحى
أكلت بيتزا وشيبسى
وشحوم كنتاكى
وإحنا اللى كانت ..
ما تنطفى لنا نار
أكلنا غلط وشربنا
وبقىنا شكل الخيار
.............................
قوم يابن وادى النيل ..
وعمر الخربان
وإحلف بحق السما ..
ما ينام ابنك جعان
يلا يا مسلم
وإنت يا مسيحى
ويا ليبرالى ويمينى
وياعلمانى ويسارى
انسوا التسميات كلها يا ولاد
وتعالوا على قلب راجل واحد
نبنى بلدنا ونحمى زرعنا م- الجراد
(¯`
v´¯)
`·.¸.·´
¸.·´¸.·¨) ¸.·¨)
(¸.·´ (¸.·´ (¸.·¨¯`? .
~? محمد ? البكرى
