عشاق في المنفى

ايوه عشقت
وعشقي اسير

عشقي مقيد بالاحبال
ورغم قيودي عليها بغيير

لما بحس ان الرجاله عليها كتير
دمي بيغلي وبرج العقل ساعات بيطير

ما انا ممنوع من لمس ايديها
وبينا ستار حاجب لعنيها

المشكله مش عشقي وعشقها
وانا ما باجبش الذنب عليها

بس تعبت من التفكير
وانا غير قابل للتغيير

بيعت بنات الدنيا عشانها
لاني بحب وحبي كبير

انا مش ناسي لحظه حنانها
وفارش قلبي ورد عشانها

اصل حبيبتي بمليون ست
لسه ف جوه القلب مكانها

وبعدها مش راح تسكنو بنت
رغم انا عارف عشقي اسير

عشق احتل كياني وحالي
عشق بيأمرني اني اغير

كلمات
الشاعر الباكي 
محمود جلال