المصدر: (اى عشق اكون عشقته ) مستنى منك بسمة مَرَّة ف حر صيفى تبعت لى قلبك وقت ما يشعلل بحبى يبقى ضيفى واختلف وياه شوية شوية تانية ابوح بخوفى يطفى ناره ف نهر قلبى واطفى نارى بين حروفى هو ياخد قطف روحى ولما باقطف لحظة منه انعصر ما بين كسوفى الحفيف منى سجِيّة هوَّ يصرخ من رفيفى تهت حتى النوم هجرنى وهو نايم بين رفوفى اى عشق اكون عشقته واى شوق يهمل ظروفى السّحََرْ لفلف وجودى جوَّا كاس مليان بشوفى والقمر لملم هيامى واحتضنى م الرصيف اى طير ما يحس عشه خان سعادته وارتضى حلم الخريف شقشقة من غير نسيمها مالهاش صدى أو رعشة محرومة الحفيف الخيال فوق السحابة لو لقيتنى هناك بطيفى امتثلْ للوجد تلقى نار لحبك مالية جوفى الشاعر وحيد راغب عضو اتحاد كتاب مصر