----------------يا خساره-------------
يا خساره ما خلاص راحت الحنيه
وايديك يا ملاك مفروده على الميه
مش عارف كنت ماشى ولا بتجرى
لكن قدرك يا حبيبى تموت الموته دى
ملعونه الحرب ما تعرف الرحمه شويه
الوم أنا على مين ولا قتل الأطفال بقى غيه
الرحمه ياناس الرحمه شويه طفل وحهه على الميه
ما سلم أمره لربه وعيون الناس عليه باصه
لا ظلم حد فين الأب والجد
فين الرجال اللى كانت للجبال تهد
ولا خاص أنتهينا والكون بيضحك علينا
هو الطفل دا مش أمانه ولا خلاص عشقنا الخيانه
والله حزين عليكى يا بلاد العرب
وأدعى رب العباد يحميكى من المشرق للمغرب
وأبكى بدل الدموع دم
على طفل ما لقى أم فى حضنها تضم
عارف يا أبنى يا ضنايه الموج وسوس خدودك
والبحر بكى من جواه
وقال الأه بس مين يسمع نداه
ملعونه يا حرب دا أنتى هم وكرب
لا تعرفى معنى الحنان والطالم فيكى جبان
قاتل بس مقتوله فيه نخوه الأنسان
حرام والله حرام قتل الطفل الغلبان
هو عمل أيه سد الطريق ولا غير العنوان
ملعون ملعون يا جبان فوضت أنا الأمر لخالق الأكوان
يا خساره ما خلاص راحت الحنيه
الشاعر / على فياض البلصفورى
قطرات الندى