مش حضارى

ــــــــــــــــــــ 
تمهيد : 
فِى الكدر سيل م البشر // قدام موج من الشاشات 
والسِحر بالسّحر ظهر // يملي يعبى في الكاسات 
خدوا بالكوا منى يا بشر // وافهموا كل السيمات 
----------------------------------------------
الموضوع :
مش حضارى ..
رسمتى ولبسة هدومى 
والحضارى .. انك ف غيك تعومي 
قومى قومى ع البارات ويا الحارات 
قولي آسفه .. نسيت هدومى 
فوق عيون الخلق عومى 
فوق أديهم 
فرقي لهم نار جهنم 
ربي اعلم بالنوايا والسموم 
...
هو يعنى البحر ايه ؟ 
كان قانون أو شرع أنزل ؟ 
مالي قلبك غيظ وليه ؟
علشان واحده عاوزه تنزل 
بالهدوم وبالهموم وسط السفور غاويه تنزل 
مش مُنزّل .. أى واحدة سافره تنزل 
مش مُنَزَّلْ .. أى واحده سافره تنزل 
فى الشَّوارع مش فى البحور 
... 
لما عامت 
وسط موج من ناس في (باص ) 
.. قلتوا عادى !! 
واما نزلت بحر واسع توبها واسع 
تقلقوا وبرضه عادى 
فى امتدادى وانبعاجى ال كان مصور لى 
سمومكم دي حلول 
..
أنا فى زهول ... مش فضول 
يلى غاوين تخلعوا كل الهدوم اخلعوها 
وعيشوا في حضن الجرايم برروها 
بس سيبوا فطرة الجهل اللي فينا والتخلف 
زي سفينة نوح نجت اللي راكب فيها ... 
.... واللي خالف هو أعرف 
..
بس وحياة النخاوه ف الطراوة 
قدروا العقل المأنتخ 
يمكن ف لحظه يفوق 
ينتبه ينظر لفوق 
يعدل المقلوب يشوف 
ان جهل الناس سفوف 
فى لاعلام طرحوه مرار 
صار العري شيء مألوف 
..
وانت يلي اسمك خانقنى 
تحسبي انى بيه سعيد 
فكرك المسموم ضايقنى 
والطواشى تعيد تزيد 
قلعى النسوان عرايا 
وامشى بيهم صف اول 
قولي احنا مجرمين وانتوا الضحايا 
بس خزقي عنينا فى لاول 
م السنادى واللي فاتت 
قبل مثل اللي فات عمنول 
البحور ويا الشماسى والبلاج 
شىء مسحته منها راسي مش ها اطول 
...
قيموا شط قيم 
او مدينه للعراه 
كونوا زي الغرب راعى 
للحضاره امشوا وراه 
واعملوا لنا معارض 
للى غاوى يجى يقرب او يجرب 
واللي عارض اجروا وراه 
...
في المراقص والبارات 
والشوارع والحارات 
علموا البنت الوضوح 
ليه تخبوها ف عدات 
قلعوها الحشمه لكن 
هللوا مش من سكات 
زفوا للنور كل فتنه 
وارقصوا ما الجهل مات 
يلى تقبل كل ذلك 
روح لذلك من سكات 
....
قبل ما امشى بالانين 
واندفن في بطن ارض 
اقول شفونا في الصعيد والفلاحين 
الحريم عندينا عرض 
ساكنه دار او حضن أرض 
كان زمان فيه الملس 
والنهارده الحشمه دين وفرض 
ولا بحر لينا هناك ولا 
ولا حتى تلطيف فى جو 
متلموش ع الشرع لو 
لوثه اهل سو 
او بالسهو و لا لهو 
..
اصل الحياء اصل الشريعه كلها 
وهيفيد بأيه قول ؟؟
لو لاستحى من حياتك انتهى
...... انتهى 
‫#‏الصافى_ابوعمار‬