الله عليك
أمشي وقول انا الجدع
وأبين زين واقرالكم ودع
كفياك خداع خليك شجاع
وابني مدينة في منتجع
على بوابتها يافطة كبيرة
مكتوب عليها مركز وجع
الله عليك يادي الوجع
سلم على اهلي ورجع
يحكي حكاية النهار
اللي ف عز الصيف سقع
روحت فين يا نهار دفانا ?
وفين الخضار اللي ف غيطانا
فين الود اللي ما بيننا
والضحكة فين أيام صبانا
الله عليك شايل هموم
خايف تقع ما تقدر تقوم
حمل على نفسك شوية
عمر ما حال يوم راح يدوم
صابر على. وجعي سنين
جوايا مكتوم الأنين
والضحكة على وشي تبان
كطائر الليل الحزين
الله عليك يادي الوجع
مع تحياتي
الشاعر بهجت انور جابر
