ناس كل ما تقفل لها باب
تلاقيها ناطالك من الشباك
تعشرو تلاقى طبعه هباب
وسككه ملانه بالأشواك
يغدر بك ما تعرف الأسباب
ويضحك لك وقوله فداك
مخلوق وعايش كما اللبلاب
ساند عليك ويعيرك بضله إياك
كل اللى عرفه ضل وخاب
واحتار فى امره شيطان دا ولا ملاك
عايش فى زمن الهمج والغاب
اللى يطوله يخطفه بشباك
ينهش فى لحم البشر بالناب
ويقول مقدر فى الحياه ممشاك
يكفينا شره وشر من له ناب
وقدر لنا الخير يارب فى حماك
......وائل سعيد .....
