بقلمى يوسف ونيس مجلع --- ايطاليا بريشيا
اصدقائى الاحباء بين الحين و الحين تكون الكلمة الخفيفة كنسيم يداعب الوجدان
فى سلسلة الكلمات الخفيفة كلمة بالعامية بعنوان محبة
ياحبى ارحمنى حبة -------- دى مش اصول محبة
تخاصمنى كل حبة --------- وتحرمنى من المحبة
دا انا باحبك محبة ---------------- قد الدنيا وحبة
و حب كل الاحبة ------------ و كمان زياده حبة
----------------------------------------------------
ما تقفليش على الواحدة ----- و تعمل من الحبة قبة
بص فى عيونى الواعدة ----- واعرف سلو الاحبة
تحايلنى واحده واحدة ---------- تكسبنى حبة حبة
تلاقينى مرة واحدة --------- حنان دايب فى محبة
---------------------------------------------------
سهام فى قلبى راشقة -------- بشوق ما بيهمد حبة
حس بعيونى العاشقة ---------- ولغاها فى المحبة
لو اقول ابعد بالحقة ----------- يعنى لقربك حابة
ولما اقول لك لائة ----------- دي اه ونص وحبة
---------------------------------------------------
افهم بقي اللعبة -------------- المسئلة مش صعبة
البوسة يعنى حبة ----------- والقمصة دلال احبة
والغمزة دلع المحبة ------- واللمزة اعطف حبة
عطشانة خلاص مش قادرة --- املالى كاس محبة
---------------------------------------------------
ياحبى افهمنى حبة ---------- طاوعنى فى المحبة
خلى الزعل حبة ------------- وبرضه الدلع حبة
تعالى بكل محبة --------------- نملا الدنيا محبة
دا انا باحبك فى الحبة -------- يجى حبتين وحبة
---------------------------------------------------
حلفتك بالمحبة --------------- و الغالى والاحبة
تيجى بود ومحبة -------- نروى الشوق بالمحبة
احنا هانعيش كام حبة ------- علشان نضيع حبة
دا العمر يادوب حبة ------- و مدايم غيرالمحبة
بقلمى يوسف ونيس مجلع --- مصر
