كان مالى
*********
كان مالى ما كنت انا خالى
جه حبك غير كل احوالى
راح نومى متشتته منى اوصالى
ومن يومها فين راحه بالى
كان مالى ومال الشوق
وغرام سهر جراح وحروق
اتمنى يوم اعود تانى
لا عاشق ولا معشوق
كان مالى ليه خطفتى الوجد
بقيت تايه ولا شايف حد
احايل قلب لليل شاكى
انا وهو جزر ومد
وعرفت اجنى ازهار تكون ليكى
وعرفت لليل مالوش اخر اناجيكى
فسد عقلى بهلاوس اشوفها جنون
وشفتك طيف تحاكينى واحاكيكى
وعشتها وحدى كتير ليالى سهاد
انام احلم بعيونك عنى بعاد
وادارى الحزن فى عيونى كتير
تشوف الناس فى المى حداد
كان مالى ومال الحب واماله
كنت بشوف ضنى الاحباب افعاله
فين الصبر مين عنده احباله
رغم الحذر صابه سهمه طاله
وكان على الوجد قدر مكتوب
اعرف شقى الاحباب مع محبوب
استنى يلمح بطرف عين انى
فى غرامه اسير ابات مغلوب
بقلمى / حاتم صلاح
