------------- العرب لعبة وشخليله ...........
العرب خيبتهم تقيلة
وقيمتهم في التراب
كل يوم بيزيدوا في النيله
وفلوسهم رموها ف الخراب
أفكارهم كلها عليلة
لما بعدوا عن الكتاب
وبقوا لعبة وشخليلة
وبيت من غير أنياب
إستحلوا القتل والرذيله
وبقوا فرجه لكل الأغراب
دمهم مبقاش له فصيلة
وبياض قفاطينهم هباب
ضيعوا المعاني الأصيلة
وهيبتهم محصلتش سراب
أفكارهم كلها هزيلة
والإحساس منهم غاب
حتي سقف الضليلة
من عمايلهم شعره شاب
ردموا القيم النبيلة
بفعل فاعل نصاب
عشان تعيش أمه ذليلة
في العراء ملهاش باب
عناوين زاهية و جميلة
و مضمونها كله عذاب
الشعوب بتاكل النجيله
والموائد بتترمي للكلاب
وأصبحت أمة نحيله
وسؤال من غير جواب
اشتروا الدنيا وباعوا العيله
ويا ويلهم يوم الحساب
---------------------------------------------------
........... حسن الشوان ..................
