<!--[if gte mso 9]><xml> Normal 0 false false false MicrosoftInternetExplorer4 </xml><![endif][if gte mso 9]><xml> </xml><![endif][if gte mso 10]> <mce:style><! /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;} -->
أنا لازم أتغير (2) تبات نار تصبح رماد ليها رب يطفيها
حأكمل معاكم إزاى تغيير طريقتى فى التفكير فرقت كتير معايا فى حياتى وفى إنى أحقق السعادة لنفسى وأحس فعلاً إنى اتغيرت والدنيا كمان اتغيرت من حولى لما بدأت أتغير...بدأت أركز على حاجة مهمة وهى إنى أحب الناس بدل ما أستناهم يحبونى....أراجع نفسى وأنتقد ذاتى قبل الناس ما تنتقدنى ولو حصل ولاقيت نقد من الناس يبقى لازم أراجع نفسى بس بموضوعية يعنى من غير ما أجلد ذاتى ومن غير ما أقول إن اللى قدامى ده قاصد يضايقنى...يعنى لازم أشوف إيه اللى ممكن يكون صح فى كلامه...وكده يبقى أنا بأقدر أتحكم فى انفعالاتى وأعمل كنترول على أفكارى ومشاعرى. كان لازم أراجع نفسى بموضوعية وأشوف قدراتى لاقيت إنى نجحت فى حاجات كتير فى حياتى وتخطيت مواقف صعبة بس كتير ما كنتش بأشوف ده ومش بأشوف غير مواقف ضعفى يعنى كنت دايماً أغفل مناطق القوة عندى رغم إنها مش قليلة ولما عرفت ده بدأت أحس إنى واقف على أرض صلبة وبقيت أتحمل المسئولية وأواجه المشكلات اللى بتقابلنى بقلب جامد..خاصة وإنى قررت إنى لازم لما أنوى أعمل حاجة أبدأها من غير تردد من غير ما أخاف من الفشل لأن ما ينفعش إنى أكون الأفضل دائماً ممكن أكون واحد من الناجحين لكن مش لازم أكون أنجح واحد على الإطلاق. عرفت كمان إن الشعور بالضيق والحزن دايماً نتيجة لتفاعلى مع الأشياء والأحداث من حولى وبتحصل نتيجة لاستقبالى لها اللى ناتج من حاجات جوايا زى الخبرات القديمة السيئة وعلشان كده نفس الأحداث اللى كانت بتزعلنى زمان بقت تمر من غير ما أحس بأى شئ تجاهها بل بالعكس لاقيت إن أحياناً الأحداث اللى زعلتنى كان فيها فوائد بس عمرى ما كنت بأشوفها...لو صادفتنى مشكلة يبقى لازم أعصف ذهنى أو ببساطة أعصر مخى علشان ألاقى حل ولو ما فيش حل يبقى أنتظر يمكن فكرة تنور فى دماغى وألاقى حل بس لازم أهدأ لأن القلق بيستهلك طاقتى ويدمر قدرتى على التفكير.لو صادفتنى مشاكل كتير مع بعضها أحاول أحل واحدة واحدة وأغير الظروف من حولى للأفضل ولو الأمر صعب ومش عارف أغير الظروف فى الوقت الحالى... في حاجة كده نعمة من عند ربنا اسمها الصبر....بس كان لازم أتعلم إن الصبر شرط أساسى فيه إنى مش طول ما أنا قاعد أبقى عمال أسب وألعن فى عيشتى...لكن أقول يارب...وتبات نار تصبح رماد ليها رب يطفيها....الحمد لك يارب... هدأت كثيراً واطمأن قلبى لأن بيدك الخير...
ونلتقى فى الجزء (3)تعلم كيف تقول كلمة لا
د.نهلة نور الدين حافظ
أخصائى الطب النفسى
ساحة النقاش