<!--<!--<!--[if gte mso 10]> <mce:style><! /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;} -->

 

<!--<!--<!--[if gte mso 10]> <mce:style><! /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;} -->

 

<!--[endif] -->

أريد طعاماً أم أريد حباً وحناناً..؟!


مشكلتى إنى كل ما أحس بالقلق بأكل كتير قوى وأنا اليومين دول عندى مشاكل كتير فى حياتى ووزنى زاد بشكل ملحوظ  أنا رحت لدكاترة تخسيس كثير ووزنى فعلاً بيقل بعد ما بأعمل ريجيم لكن بأرجع تانى لنفس المشكلة....ممكن أوقات ما أكلش خالص لفترات طويلة أو أخد أدوية تخسييس بتعمل إسهال فظيع علشان أخلص من الأكل اللى كلته بأحس كأنى نفسى أفتح معدتى وأطلع كل اللى أكلته منها....أنا مش عارفة أعمل إيه بس فى البيت بيعرفوا علطول أول ما أبدأ فى موضوع الأكل بشراهة ألاقى بابا بيقول لى ..ياترى اللى مضايقك المرة دى؟ وأخويا أول ما أرجع البيت ويكون عندى مشكلة فى شغلى أو مع حد من أصحابى..يهرج ويقول لى ياللا على الثلاجة....هم واخدين الموضوع بهزار بس أنا فعلاً حالتى النفسية بقت سيئة خاصة لما أبص فى المراية وأشوف أنا زدت قد إيه؟


الرد على الاستشارة...صديقتى العزيزة السلام عليكم ورحمة الله وبركاته:



إيه رأيك نسمى المشكلة اللى عندك أو نضعها ضمن تصنيف حسب تصنيفات الإضطرابات النفسية....إضطراب الشره العصبى.....؟؟؟؟ طيب وبعدين ..يعنى إيه؟ يعنى الصراع والتذبذب بين السيطرة على الرغبات ولحظات الإنهيار وإطلاق العنان لها.... تعالى أقولك يعنى إيه...هو إحنا فى العادى أو فى الأمور الطبيعية الناس بتاكل ليه...علشان تعيش...يعنى إيه يعنى علشان الجسم يتغذى ويقوم بوظائفه الطبيعية...طيب بنبطل أكل إزاى...لما الجسم بياخد احتياجاته فنشبع..طيب وده بيحصل إزاى...عن طريق مراكز فى المخ..مركز الجوع اللى بينور وقت ما الجسم يحتاج الأكل وبيعرف ده لما مستوى الجلوكوز بيقل فى الدم يقوم يشتغل علشان ينبهنا إن الجسم محتاج للغذاء طيب ينبهنا إزاى ؟ عن طريق الإحساس بالجوع...طيب لما نشبع بيحصل إيه؟الجلوكوز يعلى فى الدم فيقول لمركز الجوع كفاية شغل كده وياللا يامركز الشبع اشتغل أنت بقى...إمال إيه الحكاية فى الناس اللى عندهم الشره العصبى دول؟...دول ناس مشكلتهم إنهم من طفولتهم ربطوا بين الأكل وحاجات تانية ملهاش علاقة بالأكل ووظيفة الأكل...يعنى إيه ؟يعنى الطفل ده عانى فى طفولته ففى الغالب من إهمال احتياجاته للمشاعر والشعور بالأمان إما لضعف الإمداد العاطفى من جانب الأهل أو لأنه هو بطبيعة تكوينه كانت متطلباته العاطفية أعلى من الطبيعى والأهل ما خدوش بالهم من الحكاية دى وأعطوا الحب والحنان فى الحدود الطبيعية...عداهم العيب وما قصروا...طيب يعنى الطفل هو اللى غلطان؟ لأ هو كمان مش ذنبه...إمال إيه؟ ولاحاجة أهو اللى حصل وخلاص وبلاش نقف عند الموضوع ده كثير علشان لما بنلوم الأهل بنعلق مشكلتنا على شماعتهم طول الوقت ومش حنلاقى حل...وتبقى المشكلة إذن فلنفكر بشكل أكثر إيجابية...صاحب هذا الإضطراب إعتاد أن يبدل إحتياجاته العاطفية ورغبته فى الشعور بالأمان والحنان بإحتياج أكثر بدائية على هرم ماسلو للإحتياجات الإنسانية وهى الإحتياجات الفسيولوجية من الطعام والشراب وخلافه...أى حالة من النكوص أو التراجع النفسى...وكذلك على حسب فرويد هو نوع من التراجع للمرحلة الفمية والتى تعنى قلة الحيلة والرغبة فى الإعتماد على الأخرين لإشباع هذا الفم الجائع..فهى تشير للهروب أيضاً من المسئولية متى واجهت هذا الشخص مشكلات ما...إذاً ما الحل؟ الحل هو فك الإرتباط المزيف بين الأكل والشعور بالأمان..يعنى العلاج المعرفى السلوكى...وقت الشراهة ما تحصل بسرعة شوفى إيه المشاعر السلبية اللى عندك دونيها ..وابحثى عن الأفكار الكامنة وراء هذه المشاعر فهو كم هائل من الأفكار السلبية...التى تشعرك بعدم ثقتك بنفسك وأنك ستفقدين القدرة على السيطرة على نفسك فى موقف ما ...فكرى جيدأ حددى مشكلاتك فى العمل أو مع الزملاء أو الأسرة وفكرى كيف يمكن أن تجدى حلاً لها....ولا أخفيك سراً الشره العصبى بحاجة للعلاج النفسى الدوائى والمعرفى السلوكى التحليلى...لابد من رؤية كل ما مر بك من ألام وقمت بكبته بداخلك ...لأن خروج هذه الذكريات المختزنة يخفف كثيراً من حدتها ويحدث نوعاً من الإلتئام النفسى....كما أن العلاج الجمعى يفيد كثيراً فى مثل هذه الحالات.


د.نهلة نور الدين حافظ

أخصائى الطب النفسى

[email protected]



 

  • Currently 0/5 Stars.
  • 1 2 3 4 5
0 تصويتات / 417 مشاهدة

ساحة النقاش

د.نهلة نور الدين حافظ

Mostasharnafsi
موقع يهدف لنشر الوعى بالصحة النفسية والتدريب على مهارات تطوير الذات من خلال برامج العلاج المعرفى السلوكى السيرة الذاتية: الاسم: نهلة نور الدين حافظ الجنسية: مصرية الحالة الاجتماعية: متزوجة وأم لطفلين المؤهلات الدراسية: ◊ بكالوريوس الطب والجراحة-قصر العيني- دفعة ديسمبر 1993-تقدير جيد جداً مع مرتبة الشرف. ◊ ماجستير الطب النفسي »

ابحث

تسجيل الدخول

عدد زيارات الموقع

311,987