الفلاحة بقلمي عبدالله رجب ابوعدنان
أنا اللي تشدني وتخطف قلبي الفلاحة
جمال طبيعي رباني وخفه وسماحة
تقوم الصبح بدري
ع الغيط اوام تجري
تحلب وتخض وعلى خدودها الورد
ولا تعمل حساب حر ولا برد
الطيبه ف عروقها بتسري
شقيانه ع الدوام ومش مرتاحة
تزرع وتحصد وتوفي لما توعد
قربني لقلبها لما ابعد
بحب وشوق وود
بنظرة حلوه وعيون دباحة
عمرها وعمري تحت سقف
لوحدها ف الدنيا بتجدف
تاكل ب مش وما تستلف
تكره الكدب وتحب الصراحة
تلف نصي بشعرها
احب حديتها ودلعها
بين عيون الليل أسكن بين ضلوعها
خجوله وحنونه ومالهاش ف الخلاعة
