(صرنه أشلاء )
شعر شعبي عراقي
سومري حر
سفينه مبحره احنه بذيج الأمواج
وبس الله الحافظ من يداريك
اتصدك كالسفينه الصابها اعصار
وأمواج البحر تتلاطم اعليك
وخذاها الريح اشوف وصرنه أشلاء
وأصوات التحسهاامحوطة بيك
وتعد ايام منها الذبح الاسنين
عمرك خلص كله وشيظل ليك
اشتلم منها دكلي وكلها التروح
وبس الله اليعدها والينسيك
إن كانت الم واتحطلك اجروح
وإذا طحت بمرض من يكرب ايجيك
لامال الي ينفع ولاهي الاولاد
ولو اعيونك عمت محد يباريك
والك الله يكلبي أعلى الصبر هذ
ومحد بعد يسمع من بناديك
بس الله الكريم ايكون وياك
احمده واشكره احن من امك اعليك
اهو الحنان والمعطي الجبار
يعرف كلشي اشما يجري اعليك
شعر عارف شلش السعدي
