كان م الأول
قبل ما حبي لك يتحول
كان م الأول
ياللي في بعدك ضعت الأول
ياما في ليل الشوق ياحبيبي
ياما ناديتك واترجيت
ترحم سهر عيوني وقلبي
ترجع ليٰ وانت ماجيت
عمر بحاله في انتظار
ليله حيره وليله نار
وانت غايب بالنهار
لحد الليل في حياتي ما طول
كان م الأول
ياللي هواك خلاني غريبه
بين الناس وبين الأحباب
انا كنت فاكره إني حبيبه
وان اللي بينا يدوب في عتاب
بس ازاي وانت اللي هجرت
نسيت هوايا في لحظه وبعت
دقيت على بابك ياما ما سمعت
لحد الصبر ما عني اتحول
كان م الأول
ياما قلت لنفسي ياريت
كنت عايشه معاه دلوقت
اتاريك قاسي ونسيت
ورمتني في حضن البعد
كان م الأول الرجوع
قبل ما عيني تحرقها دموع
ويعيش قلبي سنين موجوع
يشرب حزنه أول بأول
كان م الأول
كان م الأول
الشاعر السيد حسن....
