(لاتزعل)
شعر شعبي عراقي
سومر ي حر
كلامي وياك مابيه غايه يفلان
ومن طيبة القلب وصادق القاك
ورحمه ربي اشوفك وابعثك ليه
واختاريتك انته الاحكي وياك
ماكان القصد لو عندي فد غايه
احس البعد عندي وغربة اهناك
بعيد من الأهل ومابين جدران
سجين البينهم من تحكلي ادواك
كلامك عذب اوهم بلسم الروح
شلون الاتركك لو بعد الانساك
راقي المفردات اشتلفظ اتقول
ولك طعم العسل لو تنطق شفاك
على هذا الأساس ابصمه اناديك
واسجلها وأكلك هاو لك هاك
كلت سبحان ربي الطيب ايطيح
الك ذاك الحسن والعقلك انطاك
وحلل للكلام ا شلون موزون
وتبعث هالكلام وانته محلاك
كلامي اوياك مابيه غايه يفلان
ومن طيبة القلب وصادق اوياك
شعر عارف شلش السعدي
