http://www.youtube.com/watch?v=5qQ_fDv8qJY&feature=plcp

وفي يوم
11/2/2011
------------------------------
اتفقتوا على إيه ؟

مفيش غير حل واحد للخروج من الأزمة دي
الثورة تنجح !

إيه ؟؟؟؟؟

متخافوش
أنا هقولوكو هنعمل إيه بالظبط

___________
هما هيبقوا فرحانين انهم عملوا ثورة 
لكن انا عارفين هنعمل إيه بالظبط

أي قوة
الشرطة أو حتى الجيش
أول ما تلاقي الشعب قدامها
لا يمكن هتمد ايديها عليه

وعلشان كدة
احنا لازم نتعامل مع كل فريق لوحده

انتم شايفينهم .. صف واحد
لكن هما بينهم خلافات كبيرة جداً
هتبدأ تظهر أول ما مبارك يمشي

هو الريس هيمشي ؟؟؟!

مش بمزاجه .. يا راسنا يا راسه !!

أول ما يمشي ساعتين والمولد ده هينفض
ونلاعب كل فريق لوحده

الشباب الثوري .. هيبقالهم نظام مخصوص
<_<
هيتحطوا في إطار محدد .. لحد لما الناس تكرههم
هما سخنين أوي

إحنا بقى عايزينهم يفضلوا سخنين
ميهدوش أبداً

هنعمل كل طريقة .. علشان دايماً يفضلوا سخنين
هندخل ناس وسطهم
هنخليهم دايماً عاوزين أكتر
وميرضوش بأي حاجة
وكل ا يهدوا هعمل اللي محدش يتخيله
علشان نولعهم زيادة

ويم ما هننقي منهم .. هننقي صح !
الناس هتزهق منهم

طيب .. والإخوان ؟؟؟

دول مشكلة كبيرة
وملهمش حل
كل الضغوط عليهم فشلت

أي شغل إعلامي ضدهم .. بيجيب نتيجة عكسية
الخطة المقترحة
وصمة السلطة

سلطة !!!

سلطة فشنك طبعاً

تفتكروا لو اتعملت انتخابات مجلس الشعب 
مين اللي هينجح فيها ؟؟؟
<_<
الإخوان طبعاً

هي دي الخطة ...
هنسيبهم يطلعوا مجلس الشعب
وبعد كدة هنمسحهم
هنخلي الناس تاكلهم أكل
هنخلي كل مشكلة في البلد بسبب مجلس الشعب
ودي أسهل حاجة الإعلام بتاعنا بيعملها
هنلبسهم كل حاجة بقدرة قادر

أحداث بوسعيد 
أزمة الغاز 
حريق السويس
أحداث العباسية

وهنشغل قصيدة معملوش حاجة
بس مجلس الشعب معناه إنه يشكل وزارة

بعينهم

هنعمل دستور 
هنعمل قوانين
هنعمل أي حاجة

السلطة مش هنسيبها يوم واحد
من وزير .. لوكيل وزارة
من مجلس قروي .. لمجلس محلي .. لمجلس مدينة
مش هيمسكوا أي حاجة

واللي يعوز حاجة ؟؟

نلبسه في مجلس الشعب

بس الشباب الثوري كدة هيفهموا إن مفيش تسليم سلطة ولا حاجة

ما احنا برضه هنلبسهم في المجلس العسكري

الإخوان دايماً نقطة قوتهم
انهم تيار محافظ .. ميستدرجوش بسهولة
احنا بقى هنخلي ده هو نقطة ضعفهم

نديلهم أي عرض .. وفيه استقرار
هيفضلوا الاستقرار طبعاً

وأي حاجة تديهالهم مش مشكلة .. ما دام الخيط في إيدينا
وكله بالقانون .. والقانون مبيغلبش

بس إزاي الناس هتقبل إن جمال يترشح تاني ؟

جمال مين اصحى !

كل دول هيخشوا السجن
أمال يعني إيه الثورة نجحت
مفيش ثورة من غير محاكمات

مستحيل !

أنا فهمتكم قبل كدة
طول ما الخيط في ايدينا
نرمي اللي نرميه
وبعدين نسحبه

ثم اللي هيدخلوه ده سجن ؟!
ده حمايه ليهم بقضايا فكسانة
مش سجلات الأوامر كلها اتحرقت امبارح "10/2/2011"
يبقى مفيش قضية !

إيه المشكلة بقى
بدل ما يعيشوا مطاريد من بلد لبلد
يعيشوا عندنا في أمان
ويطلعوا يلاقوا فلوسهم محفوظة ومتصانة

أما الشعب ده بقى

هنربيه
هيكون له كلام تاني
هنخليه يترحم على كل لحظة من أيامنا
هيبقى امنيته إنه بس يتمنى يروح شغله

خلاص

معدش حاجة بالساهل
وعلى قد ما الفترة هتطول
الناس هتكره عيشتها
وهيقولوا حقنا برقبتنا

ويارب نرجع زي الأول وخلاص
وساعتها بقى 
هيظهر المرشح بتاعنا

"أحمد شفيق"

فهمتك

أيوة
كرسي الرياسة

ميخرجش من إيدينا ولو بأي طريقة

احنا هنسيب شوية العيال والإخوان دول 
يلعبوا في الشارع .. في البرلمان
<_<
مفيش سلطة .. ولو للحظة واحدة
هنحط حاجات كدة .. وتبقى قانون .. تبقى دستور

المهم

ما يوصلوش للكرسي
واللي معاه المحبس
هو اللي يتحكم في المية
ومجرد ما بقى الرئيس معانا

بحححححح

هيمشي على كل اللي حصل ده بالأستيكة
وساعتها بقى يبقوا يفكروا يعملوا ثورة على أسيادهم

ياااااااااااااااااااااه
يا أخي أنا كدة ارتحت

لأ مترتحش

متنساش
لو اتحدوا ...
يبقى احنا ما عملناش أي حاجة
لو الشعب اتفق على حاجة ...
ملناش مكان
ونلم أي فلوس ونهرب دلوقتي أحسن

لازم يفضلوا في صراع ..

ما يتحدوش علينا ..
ما يتحدوش

____________
متحدون ضد الفلول 
معاً لننقذ الثورة
معاً لننقذ مصــر