حَفْلِةْ لُقا
شعر/محمودالعزب
الإسم/آه
والعُمْر/ ياه
والْمِهْنَه/مِسْتَوْظَف لَها
والقلب أبيض م البيـاض
شَفَّاف وشارِب م الرياض
عايش وعاشِـق حُبَّهـا
الإسم/ نَفْسْ الرسم والتَشكيل
مَنقـوش على وشَّك يانيـل
فارِشْ على الشَطِّين حياه
نافِشْ فى ريش الْمُستَحيل
العُمر/ لَحظِةْ حُب ع الآخر
ضَمِةْ حَبيبتى والعَشا فاخـر
وان جيت احاوِل لَمْسهـا
ألاقيها تِـتـَّاخـر
المِهْنَه/ حَمَّال لِلهُموم
شايل جِبال فوق مِنَّها
وحاولت اكون من حَظَّها
قالت لى اشوفَك كل يوم
والقلـب آه وآه وآه
قَرَّبنى من طوق النَجاه
ياعَمْ يامَراكـبى
ورِّينى فين حُبْ الحياه
واخْطَفنى من قَلبى
تلاقيها راقْدَه جُوه مِنِّى
ومْصَحْصَحَهْ جَنْبى.
