*** أشـــاره

-----------

مستني مـن أيــدها أشــاره

او بسمه من الثغــر بشاره

مستني من الروح لهـفتهـا

نظـرة عينهـا لقلـبي منـاره

طهارة الفُل وقلبي اختـاره

حُسنها شهد الشوق وبهاره

لـو إيـدي لمست في إديـها

او فـجــأه عملتــلي زيـاره

تـبقي الدُنيـا ضحكـت لـيَّـه

من عينــه أعـرف أسراره

يا حبيبـي دا غيـابك طـول

والباقي من العمـر خسـاره

مش قلبـك سـاكن مع قلبي

النبي وصَّي لســابع جـاره

تبقـي ازاي تـتـغيـب عـني

و تقفـل الشبـابيك بستــاره

انـت غـيـــابـك أثــر فـيّــه

غـيـَّـر ليــل قـلبي لـنهـاره

حبــك شعـلل قـلبي بنــاره

وخدك بـدرالكـون ومداره

يرضيك سهـد ودمع عنيـه

يعني لقلبي هـواه ومـراره

بـبسمتـك انت تـأشـــر لـي

أجري عليك راكب طياره

------[مبروك البنا]------