قلبي يا مسكين

قلبي يا مسكين ****ظلموك خاينين

عالحب بيتكبروا

مكناش عارفين****أنا وإنت ياعين

إنهم هيتغيروا 

ومن اللايمين****محناش خالصين

وياريتهم بيقدروا

قلبي يا مشتاق****كفياك أشواق

لحبايب باعوا حبنا

دوبونا فراق**** ولاكانوا رفاق

ومعاهم ضاع عمرنا

ماصانوش أشواق****ولاكانوا عشاق

ده فرا قهم من حظنا

قلبي يا حيران**** ليه كده زعلان

علي ناس ماهياش هي

ياما شافوا حنان****وإنت يا غلبان

علي إيدهم شوفت أسيه

فاكر الأحزان****وليالي الحرمان

ودموعك مليا عينيه

قلبي يا مدبوح****كفايانا جروح

من أحباب قلوبهم حجر

ياحبيب الروح****ليه بس تنوح

ده حبيبك باعنا وغدر

فضفضلي وبوح**** ليه بس تروح

لحبايب مش مالبشر

قلبي ياحساس****إنسى دي الناس

وكفاية حيرة وشجن

علي أي أساس****عديمي الإحساس

هيكونوا لحبك وطن

دق الأجراس****وخلينا حراس

خلينا نعدي المحن

قلبي ياشريد****إستني حب جديد

يسعدك ويفرحك

ليه بس عنيد****خلينا كده بعيد

ليه تشتاق للي يجرحك

خليني سعيد****وبلاش تغريد

ريحني وأنا أريحك

تحياتي

وليد النميري