أفراح اكتوبريه
عدينا ***بقلم السيد ابو طاحون
*********٠
صبرنا سنين
مرت علينا
مرار المرار
ولا عرفنا راحه
ولاشفنا راحه
في ليل او نهار
يوماتي تعدي عنينا
القنا
وحاسس بأني
انا مش انا
وأسمع حنين الرمال
بتنده وتنده
وتنده علينا
وأسمع أنين الرجال
*********
وست سنين
بنتقلى ف نيران الصبر
نصلي الفجر
ونتعلم سجود الشكر
بعد النصر
ومجد يمد
لمجد جديد في سينا
لا يبلى ولا ينهد
عدينا
في عز الدهر
عدينا
و دسنا الغول
برجلينا
*********
و شايلين قلوبنا
على طرف ايدنا
يا ناخد بتارنا
ويرجع قمرنا
يغني في دارنا
ويطرح شجرنا
يا سينا
يا جنه
عطور السعاده
يا إما الشهاده
*********
#عدينا
#الاخنوم
#السيدابوطاحون
.
