*** احلي عذاب
---------------
تشــوفـك عيني تـقــول الله
تشـوفك روحي تنسـي الآه
بيفــرح قـلبي لما يشــوفك
انـت لـقلبـي نبـض حـيـــاة
انت الحُـسن جـوه عيـوني
انت النور والخير والجــاه
انت امـاني ونبض حنـاني
انـت الفــرح اللـي اتـمنــاه
لما شفــايفي تنطـق اسمـك
كـل حــواسـي تقــــول الله
يـرن كلامـك جــوه وداني
يِـحيي الفـرّح ويـمحي الآه
لو يا زمـاني ترجـع تــاني
قول لي ازاي وفيــن ألقـاه
ليه يتركني أعيش وحداني
وينسي حروف العهد معاه
كانـت عيني بيحلـف بـيهـا
ملاها دموع وجروح بأساه
كــل هــواه كــان يستنـاني
حتي ميعـادي كمـان ينساه
قلبي بقـوللي هيـرجع تاني
وانسي كـل عــذابي معــاه
لسه عيــونه فرح عيــوني
لسـه هـــواه اللـي اتـمنـــاه
لو هيعيــدوا عمـري تـاني
مش هختـار للعمـر سِــواه
لو كــان حبه هــو عــذابي
أرجـع اعيــد العمـر معــاه
------[مبروك البنا]------
