غِل قلبي 
----------
غل ساكن جوا قلبي 
لجل تار إبني الشهيد 
مش هداري النار واخبي 
أصل قلبي ماهوش حديد 
كنت اكبّر فيه واربي 
كانلي ولدي وايد فـ ايد  
راح ف ثانيه وشاء له ربي 
كنت خدني معاه بعيد 
-
نفسي اقولك لو تعدي 
ليه قتلت ابني الوحيد
يومها همسك فيك بيدي  
لجل اطفي فـ نار تقيد    
ماتوا زيك كام ياولدي 
جندي كان او كان عميد 
لجل يحمي الناس فـ بلدي 
حط روحه وكان وعيد 
-
مش هعيط ولا أبكي  
دا الشهيد عايش فـ عيد  
بس مش هسكت وههحكي 
منتا ساكن فـ الوريد 
عند ربي وبس هشكي  
رُد عني الكيد بكيد 
مش هاعيط ولا هبكي 
بس هدعي تكون سعيد  
-
يابن بحري ولاقِبلي  
ولا ساكن فـ الصعيد 
الخراب صابني وسابلي 
حزن يوم عن يوم يزيد  
حزن صاب الكل قَبلي 
كل يوم ارهاب جديد  
كل بيت من شره مبلي 
بالتصدي فـ يوم نبيد
--------------------------
للشاعر هشام عوض 
الخميس 10 نوفمبر 2016 م