عجيب أِمرِك !
-------------
عجيب أمرك ومش لازمك 
عيون والعدسه ولا ورموش 
عشان أصلك جميل وصفك 
بدون زينه ولبس وشوش 
-
وليه الزينه فوق وشك 
وليه الزنقه فـ الفستان 
وليه فاكرانا هنغشك 
حرام أصلاً دا كله يبان 
-
حريق ممكن يطول جسمك 
ساعتها ازاي هتتكشفي 
وربك فوق وزان رسمك 
وزينتك لما تتكسفي  
-
جمالك مين وكان خالقه ؟!
وقال فـ كتابه مانخونه 
وواحد بس من حقه 
حلالك هو هايصونه 
-
فـ زفه نجيكي ونبارك 
وندعي يارب وفقكم 
وكل الدنيا تتشارك 
نزفك لما باب بيتكم 
-
حلال يبقى وخير وسلام 
وقال ربك دا كان قسمه 
وغير سكتنا يبقى حرام 
وكل طريقها فيه ضلمه 
-
وربي يصون بنات جيلنا 
ويبعد عنها كل شيطان 
ويغفر لينا أعمالنا 
عشان فـ الجنه نلقى مكان
------------------------
للشاعر هشام عوض 
الاحد 25 سبتمبر 2016 م