ياريتك
------
لوعني دلالك وهويتك
ويوماتي بنام على باب بيتك
بستنى خروجك بالثانيه
علشان اشهدلك حبيتك
-
تمشي وتتهادي وتتمايلي
وبنظره فـ لحظه يروح عقلي
مش سهله ياروحي وتستاهلي
وياريتني لاشوفتك ولاجيتك
-
مابنامش وسهران طول ليلي
وبكلم روحي وزاد ويلي
طب بس بكلمه تشاوريلي
انا عاشقك وف قلبي داريتك
-
قربت اكون مجنون بيكي
دايب من حسنك وعنيكي
وبغير م النسمه اللي تجيكي
ومنايا في قمقم خبيتك
-
لو يوم هتقولي انك ليا
هديكي الروح مني هديه
وافديكي بقلبي وبعنيا
خدي اي ضمان بس ياريتك
---------------------------
هشام عوض
الجمعه
5 - 8 - 2016م