إرجَعيلي 
********
إرجَعيلي 
وإوعي عَني تاني تِبعِدي 
إرجَعي وبَلاش 
بلاش ياحَبيبتي تِعنِدي 
إرجَعي لحُبي وحَناني 
إرجَعي لدِفئ وأماني 
إرجَعي وطَمنيني 
إن ع الدُنيا تِعينيني 
وبَلاش !!!
بَلاش عَليا تتمَردي 
إرجَعي تاني لحُضني 
ولِلي باقي من أشلاءنا لِمي 
وإوعي لِلَحظه تِترَدِدِي 
وأن قِسِيت 
أو قِسيت الدُنيا عَليكِ 
ياحبيبتي إتحَملي !!!
إتحَمليني وإصمُدي
ماأنا ع الفُراق ماأقدِرتِش 
ماأقدِرتِش ياحَبيبتي صَدَقي 
صَدَقي وحياة إللي بينا 
وإوعِدِيني 
إوعِِديني إن عُمرِك مااتُهجُري 
أو عَليا يوم تِتغَيري 
وإسمَعيني 
أسمَعي للقَلب إللي حَبك 
إسمَعي للحُضن إللي ضَمك 
وحاولي إنك تفهَمي 
إفهَميني وصَدَقي 
إن غيرِك في الكُون ماليش 
والكُون دا كُله مايهِمنيش
مايهمنيش غيرك إنتِ
غير رِضاكِ ياحبيبتي 
وأوعِدِك 
أوعِدِك لأغزِلك 
من شُعاع الشمس فَرحه 
والسما للنجوم تكون طارحه 
وعُمري 
عُمري ماراح أزعلك 
بَس إرجعيلي 
إرجَعيلي ياحبيبتي 
وإوعي 
إوعي عني تاني تِبعدي
صفاء عبد ربه