(((((على الهوا ))))))
===========
محمودعمار الزلبانى 
الله يجازى الهوا 
صحى القلب من تاني 
بعد ما كان إستوى 
من الوحدة وأحزانى 
والله حبيت الهوا 
رمى في سكتي كلمة 
كانت لقلبي دوا 
سهران مع النجمة 
صبح القلب بيغني 
أغانى الحب واللهفة 
وقال اسمع بقى فني 
اغانى مليانة بالعفة 
خليني وراك يا قلب
افرح يا صاحبي يومين 
عايز أنسى كلام الطب 
بقيت ساحر كده بحرفين 
بلاهم ما فيش بكره 
حرفين دول سر الحياة 
لو بعدوا نقوم نكره 
ولا حد يبلغ مناه 
طمني يا قلب مين 
اللى سبب فرحك
خلاك فى شوق وحنين 
ونساك كمان جرحك 
أنا خايف يا صاحبي الهوا 
يقلب أهات وجروح
ونرجع تانى سوى 
نقاسى منين ما نروح
انسى الزمان اللى فات 
ودوق معايا الهنى 
ما الدنيا إلاساعات 
خليها حب – ومنى 
للحب افتح بابك 
يدخل ينور حياتك 
بدال ما تدفن شبابك 
وتندم على ما فاتك
الله يجازي الهوا 
دخلني كده دنياه 
والقلب أصلا نوى 
أفرح وأتوه وياه
************
محمود عمار الزلبانى 
25/7/2015